నేను వ్రాసిన పాట

'None Can Destroy Iron But Its Own Rust Can
Likewise None Can Destroy A Person But
His Own Mind Set Can'... RATAN TATA

ఈ మాట చదివినపుడు నేను, ఓక 40 సంవత్సరాల క్రితం,  వ్రాసిన ఈ పాట  గుర్తుకు వచ్చింది.

ఈ పాటను చిత్తగించండి :

ఎవరు నీవారు   ఎవరు పెర వారు
తెలుసుకోవాలి రా  తెలిసి మసలుకోవాలిరా

వీడని తోడౌ నీడకు గూడా
వెలుగంటెనే వెరపు కదా
చీకటిలో మటుమాయము కాదా
నీ చేవయె నీ చెలువు కదా
నీ చేవయె నీ చెలువు కదా                 ॥ఎవరు॥

నెత్తురు పంచుకు పుట్టిన నలతే
చెరుపు చేయగా నీకెపుడూ
కొండల కోనల పండిన మాకుల
మూలికలే నీకండ కదా
మూలికలే నీకండకదా                       ॥ ఎవరు॥

అమరుల జేసే అమృతమే మరి
రాహువు పాలిటి మిత్తి కదా
హాలాహలమే ఆభరణముగా
శివుని గళములో నిలిచే కదా
శివుని గళములో నిలిచే కదా               ॥ఎవరు॥