మురళీ కృష్ణుని వేణు గానము
శృంగార కలితయై శృతిబద్ధమౌ రీతి
శృంగార కలితయై శృతిబద్ధమౌ రీతి
కాళింది కడు రమ్య గతిన కదల
ఘమ్మని కమ్మని కమల సౌరభములు
మలయానిలమ్ము తో మసలుచుండ
ఝుమ్మను తుమ్మెదల్ సొంపు సన్నాయిలు
మేచకళ్యాణితో మేళవింప
గజవధూ గుణము గోగణము నౌదల దాల్చి
తలలూపుచూ మంద తరము నడువ
మదన తాపమ్ము గోపికా మదులు నిండ
మునిజనాళికి ముక్తిని భక్తీ గూర్చ
ప్రకృతి పులకించగా తాను ప్రమదమంద
మురళి నూదె విహారి దా మోవి చేర్చి
No comments:
Post a Comment