అవధాన సహస్ర ఫణి

అవధాన సహస్ర ఫణి బ్ర.శ్రీ.వే. మాడుగుల నాగ ఫణి శర్మ గారితో నేను 

సంస్కృతాంధ్రము నందు సవ్యసాచి యతండు 

దేవగురుని ధాత్రి దీటతండు 

ప్రావాణి గళసీమ ప్రాలంబమాతండు 

కచ్ఛపీరవ యుక్త కంఠు డతడు 


పృచ్ఛక కల్హార పూషుడౌ నాతండు

]సరస భావ రసాల సాలమతడు

శతసహస్రవధాన జగతి ప్రఖ్యాతుండు

తెలుగు తల్లికి కంటి తేజమతడు

మాడుగుల వంశ మకుటాయ మానమతడు

మంచి యను మాట కవనిలో మారతండు

గతము మరువక తలపోయు ఘనుడతండు

నాగ ఫణి శర్మ నామాన నెగడు నతడు

[ధాత్రి=భూమి;ప్రావాణి=సరస్వతి; ప్రాలంబము=హారము; కఛ్ఛపి =వాణీ వీణ; కల్హారము= కలువపువ్వు

పూషుడు= సూర్యుడు (సూర్యుని చూస్తే కలువ ముడుచుకొంటుంది);

రసాలసాలము=మధుర ఫల వృక్షము ]