వివాహ మహోత్సవానికి ఆంగ్లం లో ఆహ్వాన పత్రిక
పెళ్లి నిశ్చయమైన
వెంటనే మనసులో మెదిలేది పెళ్లి పత్రిక . మాకు 10 సంవత్సరాల వయసున్నప్పుడు పత్రికలు ఒక పోస్ట్ కార్డు కన్నా కొంచెం పెద్దా
సైజు లో ప్రింట్ చేయించే వారు. తరువాత అరిటాకు పత్రికలు వచ్చినాయి . ఆపైన ఫాన్సీ
పెరిగి కార్డును కవరులో పెట్టి ఇవ్వటం మొదలైంది . కానీ అంతవరకూ అంతా తెలుగులోనే
వుండేది. ఆ తరువాతనే అసలు చిక్కు మొదలైంది.
పత్రికలు రెండు పుటలుగా, ఒకటి తెలుగులో ఒకటి
ఇంగ్లీషు లో అచ్చొత్తించుట మొదలుపె ట్టినారు. రాను రాను పత్రిక యొక్క ఆడంబరత
పెరిగింది.దాని కొరకు పెట్టె ఖర్చూపెరిగింది.
పత్రికలో తెలుగు మాయమై
ఆ స్థానంలో ఆంగ్లము వెలిసింది. ఈ ఆంగ్ల పత్రిక శైలిని గమనించిన వాళ్ళకు కొంత
ఆశ్చర్యము కలిగియుండక మానదు.
ఎందుకో ఈ క్రింది వివరము చూస్తాము.
అసలు ఒక పల్లెలో ఒక
చర్చి వుంటే దాని ప్రధానిని Father అని
ఊరివారందరూ పిలుస్తారు. ఎందువల్ల అన్నది ఎవరికీ వారు ఆలోచించి అర్థము చేసుకొంటే
చాలు, నాకు చెప్పనవసరము లేదు. మన సాంప్రదాయములో పౌరోహితులే
(పురజనులకు హితమును కూర్చువాడు) గానీ, తండ్రులు (Fathers)
వుండరు. స్థానిక చర్చి లలో Mother వుండరు.
కారణము మీ ఊహకే వదలివేస్తున్నాను.
