వివాహ మహోత్సవానికి ఆంగ్లం లో ఆహ్వాన పత్రిక

వివాహ మహోత్సవానికి ఆంగ్లం లో ఆహ్వాన పత్రిక 

 https://cherukurammohan.blogspot.com/2013/08/blog-post_1554.html

{పూర్వము, అనగా ఒక ముప్పై నలభై సంవత్సరముల కృతము ఆంగ్లములో పెళ్లి పత్రికలు నేను చూపిన ఛాయాచిత్రములో వలెనే ప్రచురింపబడేదహి. ఆమాటకొస్తే నా పెళ్లి పత్రిక కూడా ఆగలములో ఈ విధముగానే ప్రచురింపబడియుండినది. కాకపోతే CHURCH కి బదులు  AT THEIR HOME అని ఉండినది. ఈ లోపల కొంత మార్పును మనము గకమనించగలము.}

పెళ్లి నిశ్చయమైన వెంటనే మనసులో మెదిలేది పెళ్లి పత్రిక . మాకు 10 సంవత్సరాల వయసున్నప్పుడు పత్రికలు ఒక పోస్ట్ కార్డు కన్నా కొంచెం పెద్దా సైజు లో ప్రింట్ చేయించే వారు. తరువాత అరిటాకు పత్రికలు వచ్చినాయి . ఆపైన ఫాన్సీ పెరిగి కార్డును కవరులో పెట్టి ఇవ్వటం మొదలైంది . కానీ అంతవరకూ అంతా తెలుగులోనే వుండేది. ఆ తరువాతనే అసలు చిక్కు  మొదలైంది. పత్రికలు రెండు పుటలుగా, ఒకటి తెలుగులో ఒకటి ఇంగ్లీషు లో అచ్చొత్తించుట మొదలుపె ట్టినారు. రాను రాను పత్రిక యొక్క ఆడంబరత పెరిగింది.దాని కొరకు పెట్టె ఖర్చూపెరిగింది. 

పత్రికలో తెలుగు మాయమై ఆ స్థానంలో ఆంగ్లము వెలిసింది. ఈ ఆంగ్ల పత్రిక శైలిని గమనించిన వాళ్ళకు కొంత ఆశ్చర్యము కలిగియుండక మానదు. ఎందుకో ఈ క్రింది వివరము చూస్తాము. 

 మిస్టర్ అండ్ మిసెస్ ...... ఇన్వైట్ యు ఆన్ ది అకేషన్ అఫ్ దేర్ సన్\డాటర్ ..... అని వుంటుంది . మరి దేర్ అని ప్రథమ పురుష లో ప్రింట్ చేస్తున్నారే మరి ఎవరి ఇంట్లోనో పెళ్ళికి ఎవరో పిలిచినట్లు కావడము లెదా. సమాధానము అవును ఐతే మరి పిలుచుచున్నదెవరు ? తిరకాసిక్కడే వుండేది. 

 కిరస్తానీయులైన  పాశ్చ్యాత్యులకు ఇంటి వారు పిలుపునిచ్చే సాంప్రదాయము కానీ బంధువులు అన్న ఆత్మీయతగాని లేదు. ఎందుకంటే వారికి సంబంధమే కానీ అనుబంధము లేదు.కేవలము మనుషుల కలయికేగానీ మనసుల కలయిక లేదు. అందువల్ల చర్చి పెద్దలే పేర్లు వ్రాయవలసిన చోట ఖాళీ వదిలి పత్రికలు అచ్చొత్తించి పెట్టుకొని సమయానుసారుకూలముగా ఖాళీలు పూరించి వారి చర్చికి అనుబంధితులైన వారికే ఆహ్వానము అందజేసేవారు. కావున ఆ పెళ్లి మహా వస్తే ఒక 50, 60 మంది వుంటే చాల యెక్కువ. రేపు అదే జంట వేరైతే మళ్ళీ సిద్ధంగా వున్న ఖాళీ  పత్రికలలో పేర్లు మార్చి తిరిగీ పంచుతారు.

అసలు ఒక పల్లెలో ఒక చర్చి వుంటే దాని ప్రధానిని Father అని ఊరివారందరూ పిలుస్తారు. ఎందువల్ల అన్నది ఎవరికీ వారు ఆలోచించి అర్థము చేసుకొంటే చాలు, నాకు చెప్పనవసరము లేదు. మన సాంప్రదాయములో పౌరోహితులే (పురజనులకు హితమును కూర్చువాడు) గానీ, తండ్రులు (Fathers) వుండరు. స్థానిక చర్చి లలో Mother వుండరు. కారణము మీ ఊహకే వదలివేస్తున్నాను.

 మరి మన సాంప్రదాయమది కాదు కదా మరి ఎందు వారిని కళ్ళు మూసుకొని అనుసరించుతున్నామో, అనుసరించాలో , ఒక్కసారి ఆలోచించుకొందామా!

 స్వస్తి