అనుపమ వర్ణనా వైభవం! -- వేముల రామా భట్టు

‎Satyanarayana Choppakatla

అనుపమ వర్ణనా వైభవం!

నాటికీ,నేటికీకూడా ప్రతిభావంతులైన కవులకులోటులేదు.అటు ఆంధ్రదేశంలోను,యిటుతెలంగాణ,లోనూ వ్యుత్పన్నులయిన కవులుచక్కనికావ్యాలురచించి,భాషాయోషనలంకరించారు. యెటొచ్చీ,వారికృషినితెలిసికోలేకపోవటంమనఅలసత్వమే! సందేహంలేదు.

పాలమూరుజిల్లాలో ఒకచిన్నసంస్థానం మానాజీపేట.తూమువంశీయులైనరెడ్డిప్రభువులదిదానియాధిపత్యం.1830-1835 మధ్యలో ఆసంసంస్థానాధిపతి 'తూమురామచంద్రారెడ్డి.స్వయంగాకవి.ఆయనరచన"అలమేల్మంగాపరిణయం"వారియాశ్రితకవి వేముల రామాభట్టు.ఆయన"గౌరీవిలాసం"యిదియీనాకీఅముద్రితమే!

అందులో నాయిక చెలికత్తెలుచేస్తున్నకోలాహలాన్ని, యెంతరసరమ్యంగా,వర్ణించారోమనమిప్పుడు పరిచయంచేసికొందాం!

సీ:అబ్జాస్య నేనంచు నదురుటింతయులేక,
నంచక నడకఁ జూపించునొకతె;

బింబోష్ఠి నేనంచు భీతిగైకొనక రా
చిలుకకు పద్యంబుఁ జెప్పు నొకతె;

ననబోణి నేనంచు నళుకునొందకను కో
కిలకు గానపుధాటిఁ దెలుపు నొకతె;

నీల భుజంగ రోమాళి నేనని తత్త
రించక శిఖిని యాడించు నొకతె;

గీ: ఘనకచనటంచు, సాంకవ గంధిననుచు,
రామననుచు, శరద్ద్విజ రాజకిరణ
హాసనను గర్వముల బొంది, యతివలిట్లు
క్రీడలొనరింతురా పైడి మేడ లందు;

నేను అబ్జాస్యని,అనిభయపడకుండా ఒకతెహంసలకేనడకలునేర్పుతున్నదట. భయమెందుకట? హంసలు తామరలను తింటాయికనక. దీనికిసమాధానంయెత్తుగీతిలో వివరంచాడు.ఆమెఘనకచయట. (మేఘంవంటి జుట్టుకలది)హంసకుమేఘమంటేభయం! అదీసంగతి!

నేనుబిబోష్ఠినే(దొండపండువంటిపెదవిగలది)యనేభయంలేకుండా చిలుకకు పద్యాలు నేర్పుతోందటమరొకతె.చిలుకలు దొండపండుతింటాయిగదా!అందుకు భయం. కానీ యామె "సాంకవగంధి" యనిచెప్పిభయనివారణ కారణమునునిరూపిసాంకవగంధంఅంటే జవ్వాది.అదిజవ్వాదిపిల్లినుండివస్తుంది.పిల్లంటే చిలుకకుభయం!

నేను నన బోణి ననే భయంలేకుండా(చిగురాకువంటిమేనుగలది) కోకిలకుపాటలునేర్పుతున్నదటమరొకతె.భయమెందుకు?కోకిలకు చిరుగులాహారం.అందుకు. రామననియామెభరోసా!( మనోహరమైనదాననని, కోకిలకూతయుమనోహరమేగదా)

నేను నీలభుజంగరోమాళినేయని(నల్లనిపామును బోలిననూగారుగలది) భయపడక,మరియొకతెనెమలికి నాట్యమునేర్పుచున్నదట. పాముకునెమలికి విరోధం. అందుకుసభయం,కానీ,శరచ్చంద్రుని వంటిముఖముకలదటయామెకు.అదియామె ధైర్యానికికారణం.శరత్కాలంవస్తే నెమళ్ళకు కామముడిగిపోతుంది.అందువల్లభయపడనవసరములేదని,సమాధానం.

ఈవిధంగాపరస్పరవిరధ్ధమయిన విషయాలను చక్కగాసమన్వయ పరుస్తూయెంతచక్కగావర్ణన నిర్ వహించాడోచూడండి!