దుర్జనుని లక్షణము

దుర్జనుని లక్షణము

జాడ్యం హ్రీమలిగణ్యతే వ్రతరతే దంభ శ్శుచౌకై తనం,
శూరే నిర్ఘృణతా మునౌ విమతితా దైన్యం ప్రియాలాపిని|
తేజస్వి న్యవలి ప్తతా ముఖరతా వక్తవ్య శక్తిస్థిరే,
తత్కోనామగుణో భవేత్సుగుణినాం యా దుర్జనై ర్నాంకితః||  - నీతిశాస్త్రము

మంచినెపుడు తాను మరి చెడ్డగా నెంచు

మౌని జూచి మూగ యని దలంచు

కలుగ నియతి నిష్ఠ కపటిగా దలపోయు 

దుర్జనుండు వాడు దూరముండు

తా. దుర్జనుఁడు సజ్జనుల యందుగల సద్గుణములను దుర్గుణములుగా నెంచును.  లజ్జావంతునిజూచి జడుఁడని చెప్పును, వ్రతశీలుని డాంబికుఁడని , ఆచారవంతుని కపటుఁడని , శూరుని కనికరములేనివాఁడని , తేజస్సుగలవానిని గర్వించు వాఁడని , సద్వర్తనుని వాచాలునిగా నెంచును, కావున దుర్జనునికి  జనులయందలి సద్గుణ మెన్నటికీ కానరాదు. 

A repugnant thinks the seasoned to be bad, a silent to be dumb, a devout to be a hypocrite, a charming to be a grandiose, a soothing speaker to be a garrulous .
Hence to an evil person can see nothing good in his vicinity.