నేనే రాజు నేనే మంత్రి

నేనే రాజూ నేనే మంత్రీ నోరు తెరిస్తే నేనో కంత్రీ

నామాటంటే నిజమగు వేదం పెంచకు  నాతో ఎపుడూ వాదం

నేనేమి చేసినా నాఇష్టం నోరు తెరచితే బహు కష్టం

                  కాఫీ టీ కలబోసి తాగుతా పేపర్ బట్టలు  వేసి తిరుగుతా

                   పెరుగన్నముతో జిలేబి తింటా వేసవిలో స్వెట్టరుతో వుంటా

                   షూస్ వేయకనె నే టక్ చేస్తా మండుటెండలో మరీ నడుస్తా llనేనేll

ఇడ్లీ పెరుగు కలుపుకు తింటా పూరీ కాకర కూరతో తింటా

మిరపకాయతో లడ్డు నములుతా గులాబుజాముకు చారు కలుపుతా

పాలు కలిపి విస్కీని తాగుతా తాగి తాగి ఏమేమొ వాగుతా   llనేనేll

                    నల్లటి ముసుగును నేను ధరిస్తా ముఖానికంతా కందెన రాస్తా

                    మాయిటికె నే కన్నము వేస్తా పోపు పెట్టెలో డబ్బులు తీస్తా

                    దొంగ దొంగయని మరీ అరుస్తా అడ్డము వస్తే నేను కరుస్తా   llనేనేll

ట్రైను టికెటుతో బస్సునెక్కుతా అది ఆగకనే దుమికి తీరుతా

విమానమున  విండోలు తెరుస్తా పరుపూ మంచము వేయమనేస్తా

నావనెక్కి నే కన్నము వేస్తా పెను తుఫానులో పయనిస్తా   llనేనేll

                  సంతాపము ప్రకటించే సభలో ప్రణయ గీతములు ఆలాపిస్తా

                 కర్నాటక సంగీత సభలలో తప్పెట దరువులు నే వాయిస్తా

                భరతనాట్య రంగస్థలమందున మందునుగొట్టి చిందులు వేస్తా llనేనేll

నా ‘మాట - వరహాల మూట’ వ్యాసము నేను పైన తెలిపిన వారికి అంకితము.