బాసు--బంటు 

బాసు 
నియమ నిష్ఠలు గల్గు నీతిమంతుడె బాసు 
గతము మరువనట్టి  యతడె బాసు 
గడుసుతనము నేర్పు కలిగియుండిన బాసు 
తెలివి తెంపు గలుగ తగిన బాసు 
పని దొంగలను బాగ పసిగట్టుచో బాసు 
చేత గలుగువాని యూత  బాసు 
కారణమ్ములెరిగి కనికరించిన బాసు 
కోపమదిమి యాదుకొన్న బాసు 

కొండెముల వినడెప్పుడూ గొప్ప బాసు 
కంపెనీ  పేరు  పెంచును  గట్టి  బాసు 
లెస్స యని జనులచె పొందు లేసెబాసు 
అట్టి బాసున్నచో  రాదు అసలు లాసు 

బంటు 

ఏలిక దేవుగా నెంచు వాడే బంటు 
తాలిమి గలవాడే తగిన బంటు 
ప్రాలుమాలక పాటు పడునాతడే బంటు 
కనిపెట్టుకొనియుండు ఘనుడె బంటు 
మిగుల నమ్మకమున మెలుగు వాడే బంటు 
ఇంగితమ్మును గల్గు హితుడె బంటు 
చెప్పిన తీరున చేయువాడే బంటు 
ద్రోహికానియతడె దొడ్డ బంటు 

ధనము పట్టున శుద్ధుడౌ తలప బంటు 
వలనుగా గుట్టులను కాచు వాడే బంటు 
అక్కరలయందు భుజమిచ్చు నతడె బంటు 
హనుమనారాధ్యునిగా నెంచు నసలు బంటు