అరవ కన్నడమ్ము  లముదము కస్తూరి 

ఒకటి తెలియలేము ఒకటి ఘాటు 

తెనుగు తేనె ఊట  తేటరా గమనించు 

రామమోహనుక్తి రమ్యసూక్తి 

అముదము (తమిళం) = అమృతము (తెలుగు)

అరవము  అంటే తమిళాన్నిఅమృతము తో పోల్చుకొంటారు అరవవాళ్ళు అంటే తమిళులు. కానీ అమృతము యొక్క రంగు రుచి వాసన ఎట్లుంటుందో ఎవరికీ తెలియదు. 

కన్నడము కస్తూరి అంటారు. కస్తూరి దూరంగా నిలచి వాసన చూస్తే హాయిగా వుంటుంది కానీ బాగుందని ముక్కు వద్దకు తెచ్చుకొని పీలిస్తే ముక్కు బెదిరి రక్తము వస్తుంది. 

కానీ తెలుగు అట్లు కాదు. అది తేనె, ఆ తేనె ప్రారంభము కాబోయే ఊట, అంతేనా అంటే అదీ కాదు, దాని తేట . తేట నెంత తాగినా తనివి తీరదు తృప్తి కలుగదు. 

ఇదీ మన తల్లిభాష గొప్పదనం .