బాల ముకుందాష్టకము – యథాశక్తి తదనువాదము

 

బాల ముకుందాష్టకము – యథాశక్తి తదనువాదము

https://cherukurammohan.blogspot.com/2023/09/blog-post.html

అందానికి, ఆనందానికి నిర్వచనము, ఆబాలగోపాలానికీ  ఆ బాల కృష్ణుడే! ఆయనను ఎంత వర్ణించినా ఆయన గుణ రూప సౌందర్యమునకు సాటి రాదు. యశోద ముద్దుల బిడ్డగా, గోకుల బాల బృంద నాయకుడిగా, గోపికలకు నాథునిగా, పూతనాది రాక్షస సంహారునిగా, నవనీత చోరునిగా ఆ కొంటె కృష్ణుని లీలలు అనంతము, అనిర్వచనీయము. చిన్ని కృష్ణుని వర్ణిస్తూ రచించ బడిన మనోజ్ఞమైన అష్టకం ఈ బాలముకుందాష్టకం. ఆయన కన్నులు, చేతులు, పాదములు, దేహము, ముఖము, చిరునవ్వు, కొంటె చేష్టలు, గోకులంలో లీలలు ఈ స్తోత్రములో వర్ణించ బడినాయి. అష్టకము, పద్యానువాదము, భావసహితముగా మీముందు ఉంచుచున్నాను. దాసరి తప్పులు దండముతో సరి. మొదటి చరణం లీలా శుకుడను  కవి రాసిన శ్రీ కృష్ణ కర్ణామృతంలో కూడా ఉంది. ఈ అష్టకము యొక్క రచయిత కూడా   ఆయనే అయి ఉండవచ్చునేమో!

 

శ్లోకము అనుకరణము భావము 14\౦౩\2021

కరారవిందేన పదారవిందం

ముఖారవిందే వినివేశయంతమ్ l

వటస్య పత్రస్య పుటే శయానం

బాలం ముకుందం మనసా స్మరామిll 1 ll

కరనీరజ పదపద్మము

అరవిరిసిన జలజముఖము నందుంచిన  యా

పరమాత్మ మఱ్ఱియాకున

వరలగ కాపాడమనెద బాలముకుందున్

కరకమలముతో పద పద్మమును పట్టుకొని ముక జలజములో ఉంచుకొని,

వటపత్రముపై శయనించిన ఆ బాలముకున్డునికి మ్రొక్కెదను.

 

సంహృత్య లోకాన్వటపత్రమధ్యే శయానమాద్యంతవిహీనరూపమ్ l

సర్వేశ్వరం సర్వహితావతారం బాలం ముకుందం మనసా స్మరామి ll 2 ll

 అదనువిలయమునకవగా

పదిలముగా మఱ్ఱియాకు పాన్పున మనుచున్

తుదిమొదలు నిలచు నాతని

వదలక కాపాడుమనెద బాల ముకుందున్

ఈ జగత్తును ఆది మొదలు అంతము వరకూ, మఱ్ఱియాకును పాన్పుగా గలుగుచూ, గమనించి శిష్ట రక్షణ చేయు ఆ బాలముకుందుని ఎదనిల్పి తలచెదను. 

ఇందీవరశ్యామలకోమలాంగమ్

ఇంద్రాదిదేవార్చితపాదపద్మమ్ l

సంతానకల్పద్రుమమాశ్రితానాం

బాలం ముకుందం మనసా స్మరామి ll 3 ll

 పదసేవ చేయ నింద్రుడు

సదమల వరభూజ మౌచు సంతును గూర్చే

యదు నందను మది తలచుచు

పదిలముగా కావమనెద బాల ముకుందున్!

ఇంద్రునిచేత సేవించబడు సత్సంతాన కల్పవృక్షమగు పరమాత్మా, నిను

 ఎదలో పదిలముగా నిలిపి భజించెద, బాలముకుందా కాపాడుమయ్యా.

 

లంబాలకం లంబితహారయష్టిం

శృంగారలీలాంకితదంతపంక్తిమ్l

బింబాధరం చారువిశాలనేత్రం

బాలం ముకుందం మనసా స్మరామిll 4 ll

అలకలు మోమున ఆడగ

పలు మాలా కంఠ ధరుని భాసిత హాసున్

అల బింబాధరునెదలో

పలురీతిగ తలచి కొలుతు బాల ముకుందున్

నీలి కురులు నెన్నుదురున ఆడగా, పొడవగు హారపంక్తులు కంఠమునలంకరించగా,

శృంగాraలీలాంకిత దంతపంక్తి నగుమోమున దనరగా   ఎరుపైన దొండపండు వంటి పెదవులతోనూ, విశాలమగు కందోయితోనూ భాసిల్లు బాలముకుందుని మనసారా తలచుచున్నాను.

శిక్యే నిధాయాద్యపయోదధీని

బహిర్గతాయాం వ్రజనాయికాయామ్l

భుక్త్వా యథేష్టం కపటేన సుప్తం

బాలం ముకుందం మనసా స్మరామి ll 5 ll

చల్లయు పాలును వెన్నను

తల్లి యశోదమ్మ ఉట్ల దాచి జనంగా

కొల్లగొను దొంగ నిద్రల

బల్లిదు భజియింతు భక్తి బాల ముకుందున్ 

పాలు చల్ల, వెన్న ఉట్లలో దాచి యశోదమ్మ బయటికి వెళ్ళగా

దొంగనిద్రల దొరయైన స్వామీ వానిని మెక్కి తిరిగీ నిద్ర నటించే

బాల ముకుందా నీకు భక్తితో నమస్కరించెదను.

 కలిందజాంతస్థితకాలియస్య

ఫణాగ్రరంగేనటనప్రియంతమ్ l

తత్పుచ్ఛహస్తం శరదిందువక్త్రం

బాలం ముకుందం మనసా స్మరామి ll 6 ll

శరదిందు మోము తోడుత

చరణమ్ములు రాళ్ళ నూని జమునన యుండే

ఉరగము తలపై నర్తిలు

పరమాత్ముని దలతు మదిన బాలముకుందున్

శరశ్చంద్రుని పూర్ణబింబమై వెలుగుచున్న మూమూ కలిగినవాడును,

యమున లోని శిలల పై కాళ్ళూని కాళీయు ఫణాళిపై  నర్తించు

పరమాత్ముడగు బాలముకుందుని భక్తితో మ్రొక్కెదను.  

ఉలూఖలే బద్ధముదారశౌర్యమ్

ఉత్తుంగయుగ్మార్జున భంగలీలమ్ l

ఉత్ఫుల్లపద్మాయత చారునేత్రం

బాలం ముకుందం మనసా స్మరామి ll 7 ll

మద్దిగవ గూల్చు శౌరికి

ముద్దగు కరుణాలవాల మూర్తికి హరికిన్

వద్దిక పుష్కర నయనుకు

పద్దుగ నే మ్రొక్కి గొల్తు బాల ముకుందున్

రోటికి కట్టబడినా ఆరోటిని పడవేసి దొర్లించి ఇరుకైన ఈరెండు మద్దిచెట్ల నడుమ చేర్చి ఆ చెట్లను కూల్చి గంధర్వ రాజగు కుబేర కుమారులు, నలకూబర మణిగ్రీవులకు శాప విమోచనము కలిగించినట్టి, విశాలమగు కనులు గలిగిన వానికి బాలముకుందునికి నమస్కరింతును.

ఆలోక్య మాతుర్ముఖమాదరేణ                                                                                                        స్తన్యం పిబంతం సరసీరుహాక్షమ్ l

సచ్చిన్మయం దేవమనంతరూపం

బాలం ముకుందం మనసా స్మరామి ll 8 ll

పాలను ద్రావుచు తల్లికి

పాలారక ప్రేమ జూపు పంకజ నేత్రున్ (పాలారక=ఉపేక్షించక)

వీలగు రూపము దాల్చెడు

పాలకు నే గొల్తు భక్తి బాలముకుందున్

పాలు త్రావే సమయములో తదేకముగా ప్రేమతో

తల్లిని జూచు పంకజనేత్రుని, రూపి విరూపి యగు పరమాత్ముడగు బాలముకుందుని భక్తితో కొలిచెదను.

శ్రీ కృష్ణ పరమాత్మనే నమః

స్వస్తి.