మన ఘనత

మన ఘనత
పండుతేనె తెనుంగు ప్రాచిపోవగజూచు
ప్రభుత గలిగినట్టి ప్రతిభ మనది
నన్నయ తిక్కన్న నాణెంపు కవితల
కాలాన గలిపేటి ఘనత మనది
శాస్త్రీయ  సంగీత ఛాయనాసాంతమ్ము
పడనీక కాపాడు పాట మనది
అలవలాతలగూడ  యద్భుతమ్మౌ కైత
లనుచు కొండాడేటి యాస్థ మనది

అమెరికా తప్పుటడుగులనడుగులిడుచు
స్వాభిమానమ్ము నమ్మేటి సరళి మనది
విల్వలకు వల్వలెల్లను విప్పివేసి
గంతులేయించుచున్నట్టి గరిత మనది

చెరుకు రామ మోహన్ రావు